Arnljot Ask, internasjonal sekretær i partiet Raudt skreiv ein e-post til interndebattlista i partiet i kveld, omkring kl. 2, kor han rapporterte at alle dei 42 afghanarane vart fjerna frå Eidsvollsplass, utanfor Stortinget.

Over halvparten har no blitt sendt til Trandum, og ein reknar med at resten vil bli sendt på ventemottak.

Afghanarane risikerer no å bli tvangsreturnerte til eit krigsherja land, mot FNs tilrådingar. Eg skreiv for berre tre dagar sia om at sju barn vart drepen i eit flyangrep på ein skule. Det er dette landet som regjeringa, Stortinget og den borgerlege pressa vil at du skal tru er trygt.

Noreg er no i ferd med å sende mange menneskje til eit krigsherja område, og med det ein høgt framskynda død. Og vi som nordmenn er med på å la dette skje.

Møt opp utanfor Stortinget i kveld kl. 18:00 for å demonstrere mot regjeringas innvandringspolitikk, og vis din støtte til dei 42 afghanarane som akkurat har gått pilegrimsruta frå Trondheim til Oslo i eit siste forsøk på å få norske myndigheiter til å høyre.

Arbeiderpartiets innvandringspolitiske talsmann, Arild Stokkan-Grande, seier til Klassekampen at:

– Når disse guttene har klart å komme seg fra Trondheim til Oslo på egne bein, så er de sterke nok til å gå videre ned til Afghanistan og delta i gjenoppbyggingen og motstandskampen [sic!] der, sier Stokkan-Grande, og legger til:

– De er unge menn i sin beste alder, og bør snarest komme seg tilbake til Afghanistan!

I intervjuet er han altså utan sympati for afghanarane som ikkje vil bli sendt tilbake til eit krigsherja land. Dette viser at korkje Stortinget eller regjeringa er villige til å følgje FNs tilrådingar om å ikkje sende flyktningar tilbake til eit krigsherja område. Eit unntak er SVs Ågot Valle, som for augenblikket er i Afghanistan, som har slått hardt ned på utspelet til Arbeiderpartiet.

The Independent skreiv i dag at sju barn blei drept etter eit luftangrep på ein skule i Afghanistan: «Store kampar har drept meir enn 100 menneskje i sørlige Afghanistan dei siste tre dagane. Talspersonar avslørte at sju barn hadde døydd i eit angrep når deira religiøse skule vart bomba av den USA-leia koalisjonen.»

Det norske Utenriksdepartementet fortsett å hevde at Afghanistan, og Kabul, er trygt nok for at dei afghanske asylsøkjerane, som no har gått pilegrimsruta frå Trondheim til Oslo, kan bli sendt heim.

Dette er ikkje berre uforsvarleg norsk innvandringspolitikk, men òg høgt moralskt suspekt av den norske regjeringa. Du kan skrive under på oppropet og møte opp på konserten deira i kveld eller i morgon.