Det er svært lite truleg at nokon kjem til å synest detta er interessant. Eg snakkar veldig sjeldan om meg sjølv, men eg må vedgå at var litt stas å bli å bli tægga av Binka. Altso, her kjem eit heilt unikt glimt frå det Tolfske liv:

1. Eg hatar ineffektive- og ulogiske folk. Eg blir t.d. fort forbanna om nokon forstyrrar ei elles fin framdrift og flyt i infrastruktur. Som når nokon går kjempesakte, sperrar heile vegen, og hindrar andre i å koma fram. Kort fortald likar eg effektivitet, og gode, elegante løysingar; same kva område det gjeld. Det er noko veldig vakkert ved ting som funkar og ganske enkelt passar perfekt inn i verda umkring oss.
2. Eg er dårleg på å førebu ting. Tross inntrykket folk hev av meg som strukturert, er eg veldig impulsiv, og lagar oftast dei beste og mest vellukka tinga i siste lita.
3. Eg kan fort gløyme å ete i fleire dagar.
4. Eg drøymer um å skapa (eit større) musikkdramatisk verk. Eg lagar mykje greier, men er enormt sjølvkritisk, og kvir meg ofte for å framføre noko av det.
5. Eg likar å vera kreativ, og elskar kjensli av rusen når noko du hev jobba med er ferdig.
6. Eg skal spela Haydn og Tveitt på ein huskonsert på fredag. Same dag eg skal innlevere heime-eksamenen min i jazz/pop/rock som eg (skulle) jobba(r) med no. Hurra.

Reglane for tægginga er:

1. Du må lenke til bloggen som tægga deg
2. Lag ei liste med seks (u)interessante ting um deg sjølv
3. Tægg fem andre bloggar, og la dei vite det ved å kommentere på bloggen deira

Men som vi alle veit, er reglar til for å brytast. So for å spara meg sjølv for alt det eg ikkje vil vite om dei resterande vennane mine, vel eg å ikkje tægga nokon som helst.

I operaen.

Eg hev så mykje å gjere om dagen at eg ikkje har fått vigd så mykje tid til denne bloggen som eg eigentleg hev hatt lyst til. Målet mitt er å bruka han meir aktivt til å skriva om ting som opptek meg, nemleg musikkvitskap, fridom på verdsveven og personvern.

Den siste tida her eg mellom anna:

• Skrivi utruleg mykje talko-kode. Eg trur me byrjar å sjå gode resultat. talko er publisering og dugnad for vev gjort riktig.
• I forlenginga av det gleder eg meg til å ta fatt på Bikuben, som er det neste prosjektet til E-tenesta. Der skal det vere mogleg å teke del i digital dugnad på verdsveven.
• Eg har lest ein god del litteratur. Mellom anna tilrår eg:
  • Empirical Musicology, redigert av Eric Clarke og Nicholas Cook. Eg blir glad av å lese Tia DeNora.
  • Ringdrotten, omsett av Eilev Groven Myhren.
  • Getting Real, av 37Signals, som handlar om motivering, tidsbruk og føretaksstyring. Eg har blitt mykje meir produktiv. Bli ekte du òg!
  • Mellom triumf og tragedie, biografi om Geirr Tveitt av Reidar Storaas. Sjølv om boka er svært farga av biografen så er han verd å lese. Eg hev så vidt starta på ho.
• Skrivi eit nytt vevlogg-system. Berre for å øve meg.
• Skrivi (og holdt) ei innleiing om datalagringsdirektivet.
• Laga ein ny bunad til Raudts nye vevsider som kjem i november. Det har teke utruleg mykje tid, og eg er ennå ikkje ferdig.
• Planlagt oppgraderinga av Raudts sider: Det er mykje folk involvert. Men eg elskar dugnad.
• Sett ein del oppsetjingar på den nye operaen. Daniel Barenboim og East-Western Divan Orchestra fremførde mellom anna fyrste akt av Die Walküre, som var heilt, heilt himmelsk.
• Skrivi ein strykekvartett-oppgåve på skulen. Eg trudde ikkje det skulle ta 13 timar å instrumentera ho.
• Vori på litteraturfestival for fyrste gong. Eg likar å gjere nye ting. Der møtte eg Binka, ElisabethIC og Kristin Storrusten.

Hei so lengje!

Oppdatert: Onsdag 24. september 13:28 CET